Desde a Coperactiva Cultural - Culturactiva presentannos a próxima edición do Galeuzca 2008 dentro da nova edición do Festival Terractiva.

O Galeuzca é un festival de claro compromiso coas tendencias musicais representativas de Galiza, Euskadi e Catalunya, e recolle coa súa proposta boa parte da riqueza cultural da península para transmitir un valor imprescindible para o futuro da humanidade: a defensa da diversidade. Diversidade cultural, artística e lingüística da que darán boa conta os artistas e grupos invitados ao escenario de Arzúa.

Os grupos que participarán este ano no festival son:

• Sorkun (Euskal Herría)
• La Troba Kung-Fú (Catalunya)
• O Sonoro Maxín (Galiza)

Será o sábado 18 de outubro en Arzúa a partir das 22 horas no campo da feira da rúa Padre Pardo S/N (en frente do espazo do Terractiva), con entrada de balde, tamén contarán con carpa por se a chuvia.

Poderedes ampliar esta e outras novidades na web do festival www.terractiva.org