“Lingua Proletaria do Meu Pobo... Eu Canto Porque Si!!!” con esta lexenda, preséntase o Festidoiro'09.

Serán cinco, este ano, os grupos que compoñan o Festidoiro'09, que se celebrará no Campo da Feira (O Baño – Cuntis) o vindeiro sábado 22 de agosto, e servirá para festexar o terceiro aniversario de vida do colectivo O Fervedoiro. Abrirá un grupo local que dou en nacer ao carón do noso idioma, Spooner Street, o cal porá en escena o seu harcore, despois soará o rock que trae dende Cerceda Machina e o folck-rock dos ourensáns Vichelocrego; dende Vigo achegarase a música ceibe dos Skacha, co seu punk-rock, e Kogito ofrecerá o seu “Ska feito na Galiza”.

Info: ofervedoiro.blogaliza.org