Views 3732

Gravado integramente nos estudios MUU! de Vigo e producido por Pedro Feijoo e Charly Lincoln nos meses de Abril de 2003 e Maio de 2004.

TERRADENTRO baséase na existencia do lugar do que todos vimos e o que nos gustaría chegar, a música pretende ser un camiño para alcanzalo. Alá nos atopamos con misterios e penurias, con temores e ledicias, con amores e dores. É o sitio onde se localiza a vida que todos buscamos.

TERRADENTRO é tamén a reivindicación da Galicia interior, ás veces algo esquecida polas grandes urbes que miran máis ó mar que para dentro. O interior onde o camiñante colle folgos ó dirixirse o seu destino. É o lugar da liberdade perdida, ou esquencida, da limpeza espiritual, de viños e aturuxos, o xerme das novas vidas.

A música de GUEZOS intenta asomarse un pouco a esa realidade inmensa, e traer unha pouca desa auga fresca da fonte, que quita a sede ó peregrino. A música fai de nexo entre esa realidade e a calor do concerto, ai lusión do disco gravado sen máis apoio que o dos amigos e compañeiros, que sempre é o mellor de todos.

Mais info. en: www.guezos.com

Users' Comments (0)

Engade o teu komentario