Views 2526

“É a Matraca un enxendro conscente de que naceu para incordiar, molestar aos poderosos, denunciar as inxustizas sociais, o caciquismo, para chuspirlle na cara ao fascismo…é a Matraca unha parte mais dun colectivo social nacido entre A Estrada e os barrios populares de Vite, Vista Alegre, Caranza e que ante todo fai unha música para festexar, para pasalo ben, para reivindicar unha cultura.” Patricio Matraca

Como moitos outros grandes proxectos, a idea que logo se convertería na Matraca Perversa nace nun bar. A cidade de Santiago de Compostela sirveu de escenario para que Iago, Marcos e Sevi xuntaran forzas cun grupo de músicos de Santiago e A Estrada para daren lugar a unha primeira formación da Matraca Perversa no ano 2002, a cal gravaría o primeiro CD da Banda titulado “Mass Circus Media”.

Con este primeiro traballo discográfico e tras unha extensa xira de presentacións a Matraca adquiriu dimensión en Galicia, participando dunha serie de festivais de música autóctona desta comunidade autónoma e cooperando con diferentes grupos de artistas trala catástrofe do Prestige, feito que se transformou en paradigma do grupo que dende as letras de mass circus media denunciaba a manipulación levada a cabo polos medios galegos durante este período.

Tras ese primeiro traballo, no 2004, a banda embarcouse na producción do seu segundo CD, “Evolucionarios”. Para este novo disco, e gracias á repercusión que logrou a banda neste período, tocando en cada recuncho de Galicia, púidose contar coa colaboración de outros artistas consagrados da rexión entre os que destacan Uxía Pedreira, Xurxo Souto, Maseda, e Mario Túzaros, entre outros. O disco estivo rematado a finais principios do 2005 e durante ese ano, unha nova formación da Matraca Perversa presentou a obra en Galicia e no País Vasco.

Trala partida dalgúns membros e a conseguinte chegada de novos músicos, a Matraca Perversa continúa dando concertos en Galicia e ten previstas para este 2006 presentacións en diferentes comunidades do territorio español así como tamén, as primeiras xiras internacionais que os levarán ata México, Cuba, e Arxentina, ademais de gravar un novo disco que estará listo entre finais do 2006 e comezos do 2007.

Users' Comments (0)

Engade o teu komentario