| Views |
887  |
|
 Radio Blogaliza ainda é un proxecto, pero xa podes velo, e escoitalo, podes suxerir o que queiras e enviar a túa música, que será escoitada a través de internet por todo o planeta. Todas as cancións incluídas nesta radio proveñen da propia WWW e foron publicadas no seu momento polos propios artistas, os seus representantes ou as súas discográficas. Todos os temas foron postos a disposición da comunidade de forma gratuíta, o que equivale a unha distribución masiva sen ánimo de lucro. En moitos casos este volcado na rede das súas creacións fíxose mediante a aplicación expresa de licenzas libres que permiten o seu uso e distribución non comercial. O noso proxecto quere impulsar a rede como plataforma de difusión e posta en valor da creación musical galega, contribuindo para rachar cos tópicos negativos que asocian internet e pirataría.
Emitimos na rede unha corrente de audio en formato Vorbis OGG codificada en stereo a 48000Hz e a unha taxa de datos de 96Kbps.
A radio traballa integramente con software libre e/ou de código aberto. Corre sobre un servidor Debian 4.0 Etch (http://www.debian.org/) con Apache (http://www.apache.org/) e MySQL (http://www.mysql.com/). A aplicación orixinal denomínase TuneQueue (http://tunequeue.sourceforge.net/) e emprega o servidor de streaming IceCast (http://www.icecast.org/). O formato de audio que empregamos é o OGG (http://www.fsf.org/resources/formats/playogg), que tamén é libre e non implica o pagamento de licenzas, como si acontece no caso do arquicoñecido MP3.
A existencia da radio débeselle á habelencia e dedicación desinteresada de Goretoxo (http://demares.blogaliza.org/) a partir dunha idea teimudamente suxerida por Calidonia (http://calidonia.blogaliza.org/). Non se tería chegado aquí sen a participación indirecta de Brenlla (hhtp://brenlla.blogaliza.org/) e de Radiofusión, o proxecto de programación común das emisoras muncipais galegas (hhtp://www.radiofusion.eu/).
Users' Comments (0)  |
|
|
Sábado 18 de Outubro
C.S. A Tiradoura (Cangas)
22:00hs.
5€
