| Views |
2210  |
|
Guezos, algo + que folk.
Guezos nace en 1999 na cidade de Ourense, como proxecto de grupo musical tradicional, sen excesivas pretensións.
O seu primeiro traballo aparece un ano despois en forma de maqueta, un traballo de corte tradicional con sons moi acústicos do que se chegarían a vender máis de 1.000 copias.
Con esta maqueta xa na rúa Guezos lánzase ó directo. Deste xeito percorre unha boa parte da xeografía galega e entra en contacto directo con outras bandas de inquedanzas semellantes.
Despois de varios cambios na formación inicial a banda grava o seu segundo traballo en 2004, “Terradentro”. Un disco máis contundente e experimental no que queda patente a súa continua procura dunha identidade propia.
Este último traballo abriríalle as portas en festivais de tanta sona como o Festival do Mundo Celta de Ortigueira, a Noite do Trasno, o Folkardente ou o Festival Folk de Vilariño, compartindo escenario con Mercedes Peón, Os Cempés, Susana Seivane, Lamatumbá, etc.
O 2006 será un ano importante para a banda, que contará co apoio dun público que fará do seu tema "A das Festas" o máis votado no concurso da RTVG "A Polo Ghit".
Guezos chega ata ó día de hoxe cun directo máis enérxico, ledo e contundente que nunca no que ritmos como o rock, a rumba, o ska ou o funk se misturan á perfección co folk.
Guezos son:Adrián Beiroa Suárez: Voz e Guitarra AcústicaDavid Quintas Vázquez: Guitarra EléctricaFrancisco Díaz López: BateríaXabier Domínguez Salgado: Gaita, Whistle e pandeiretaModesto Cid: Gaita e WhistleAnxo Fernández Rodríguez: Teclado e sintetizadorRoberto Reboiro Jato: Baixo Eléctrico
Users' Comments (2)  |
|
|
Venres 29 de Agosto
Sala Ogmios. Cariño, Ortegal.
22:30hs.
3€
