| Views |
7831  |
|
LAMATUMBÁ é referenza ineludible da nova música galega, e xa se consolidou coma unha das bandas de directo a longo da súa última xira, unha xeira de concertos na que percorreron toda a xeografía estatal presentando Lume (para que saia o sol)! –falcatruada 06-, un disco sinceiro e con moita festa no seu interior.
Vai dous anos, o grupo ourensán comezaba a sorprender a propios e alleos coa súa espectacular posta en escena e coa forza que empreñaban para facer bailar ao persoal, dende a mocidade ata os máis vellos do lugar. Na actualidade, atópase encabezando o cartaz de numerosos festivais i é aclamado con pechadas ovacións nos grandes eventos e prazas, coma na das festas da Mercé en Barcelona perante cáseque 7.000 espectadores. En Galicia, moitas das súas cancións constitúen verdadeiros himnos, que son coreados polos seus incondicionais dentro e fóra dos concertos: Licor-Café, Dolores, Cómo te quiero yo…
Os motores sonan agora con máis forza que nunca: despois de rachar o xeo en Avilés (03.05.07), Lamatumbá sae de xira por Galicia, Asturias, Andalucía, Euskadi, Aragón, Catalunya… así ata desembocar no Popkomm de Berlín o vindeiro 19 de setembro, a feira musical máis importante do vello continente xunto ao Midem, de Cannes.
Os culpábeis de todo este fenómeno son Sergio (voz), Tonhito e Rafita (guitarras), Pedro (baixo), Ángel (saxo e clarinete), Nico (trompeta), Iván (saxo), Carlos ‘Puntxa’ (percusión) e Adrián ‘Txitxas’ (batería). Son eles os protagonistas dunha historia con moitos capítulos por escribir… Señoras e señores, se queren saber a que sona a música galega do novo século, con todos vostedes LAMATUMBÁ!!!!!!
-Bateria: TXITXAS -Percusión: PUNTXA -Baixo: PEDRO "Perdidito" -Guitarras: RAFA "Abuelo" TONHITO "Moucho" -Trompeta: NICO "Gorrión" -Saxo, clarinete: ANXO "Gafots" -Saxo: IVÁN "Paquito de" Varela -Voz: SERGIO "Trosma" -Monitores: PALI.
Users' Comments (2)  |
|
|
Xoves 18 de Marzo
Casa das Crechas, Compostela
22:30hs.
