no teu Correio-e:

Visita este grupo

Em Portada CD's Fanny + Alexander - Finais dos 70s, comezos dos 80s Fanny + Alexander - Finais dos 70s, comezos dos 80s Views 735     Os composteláns Fanny + Alexander voltan con "Finais dos 70s, comezos dos 80s" , un segundo traballo no que de novo estenden os límites do pop galego a base da mestura desacomplexada de estilos, tradicións e sensibilidades. Nos doce temas que fan parte do disco o dúo deixa poucos paus contemporáneos sen tocar, dende o pop electrónico de "María Silenzo", "Amei-te tanto"  ou "Funcionaria ou estudante" até o ton New Wave de "Danzarei para ti... se botas outra moeda" , pasando por experimentos coma "Postpunkdeirada" -un tema que ven ser un novo estilo musical en sí mesmo- ou "Cando eu era mozo" , unha boutade en clave R n' B que soa coma o faría Timbaland se tivese o seu estudo nunha palloza do Cebreiro e no que participa coma convidado estelar Carlos Valcárcel AKA Projecto Mourente. Continuando coa liña iniciada no seu debut, Lusco e Fusco, as letras de todos os temas son adapatacións de obras de poetas galegos (María do Cebreiro, Lois Pereiro, Daniel Salgado, Ricardo Carvalho Calero, Elvira Riveiro, Pilar Pallarés e Minus Bálido Rodriguez), incluindo ademáis coma bonus track "Berlín", o spoken word de María Lado musicado polo grupo, asi coma dúas remesturas a cargo de Projecto Mourente e unha peculiar versión de The Smiths.   O disco, editado baixo unha licenza Copyleft polo netlabel A REGUEIFA PLATAFORMA, distribuido por Lonxa Cultural e que chegará no seu formato físico a todas as tendas esta mesma semana, pódese mercar xa online en www.trastenda.com e/ou descargar de balde en formato dixital en www.aregueifa.net   Coincidindo coa saída do disco o dúo estrea ademais videoclip dun dos temas do novo traballo "Amei-te tanto". Pódese ver en youtube premendo aqui . Fanny + Alexander: Efi Arias (voz, guitarra acústica e frauta traveseira) e Noel Feáns (voz, guitarra eléctrica, guitarra midi, teclados, baixo, batería electrónica, gaita midi e programacións). Todos os temas compostos, interpretados e producidos por Fanny + Alexander. As letras son adaptacións de poemas dos seguintes autores: Ricardo Carvalho Calero (1), Pilar Pallarés (2), Elvira Riveiro (3), María do Cebreiro (5), Lois Pereiro (6), Daniel Salgado (7) e Minus Bálido Rodríguez (8). Berlín é un poema de María Lado recitado polo propia autora. Pánico (merda de DJ) é unha versión de The Smiths. Foto da capa de Mike Schultz baixo licenza Copyleft. Gravado, mesturado e masterizado na casa no verán de 2007. Contacto: Este endereço de email está protegido contra spam bots, pelo que o Javascript terá de estar activado para poder visualizar o endereço de email Myspace: http://www.myspace.com/fannyealexander Users' Comments (0) Engade o teu komentario Nemhum komentario guardado Engade o teu komentario mXcomment 1.0.2 © 2007-2008 - visualclinic.fr License Creative Commons - Some rights reserved   < Anterior   Seguinte > [ Voltar ]

Komunika I Premio Festivaleir@ 2008 Entrevistan en Miraxes a Kogito Ataque Escampe estrea tema novo Elviña Folk 2008 Pe na Estrada 2008 Meigas Fora 2008 Reperkusion'08 LABAZADA e THE CAÑAS, 2 novos grupos em Komunikando Trapallada - 15.002: Espirito de Loita Novo video de Ruxe-Ruxe, Rock and Roll