Views 5177

RUXE-RUXE, formouse en 1996 na aldea de Arins en Compostela. A súa música é unha mestura de rock&roll, e música tradicional galega, combinada cunha actitude descaradamente punk. Unha chamativa proposta de instrumentos eléctricos e elementos rockeiros con outros moito máis puramente galegos e tradicionais coma a gaita, entrando de cheo dentro do chamado folk-rock. As súas letras son integramente en galego e falan do cotidiano e da realidade que rodea á banda, sempre dende o prisma do realismo máxico, e mesturando o contido social coa festa e a poesía.

Nestes anos os RUXE-RUXE teñen tocado ó longo de toda a península e sempre con gran acollida de público e crítica, teñen compartido cartel con bandas da talla de Wolfstone, Siniestro Total, Kepa Junkera, Berrogüeto, Betagarri, Skalariak, Mercedes Peón, Budiño, etc. e están a consolidarse por méritos propios como a proposta de rock en galego máis importante deste pais.

Teñen aparecido en numerosas actuacións en televisión e radio, aportaron cancións a series de televisión e a películas de cine, teñen incluidas pezas en numerosos recopilatorios de música galega e celta, etc. Como curiosidade decir que o tema “As escuras” do seu traballo “Fervendo”, tivo unha importante repercusión por ser a cuarta canción mais votada do 2004 polos ointes da radio estatal Polaca, Polskie Radio.

Users' Comments (0)

Engade o teu komentario