Coerência nos factos e eficácia nas formas, festa, luita e compromisso som as palavras que definem a este colectivo político-musical galego que nasce no bairro viguês de O Calvário, para convertirem-se dêz anos após num colectivo nacional, com os seus integrantes em Vigo, A Corunha e Ourense.
Alá pelo ano ´96 começa a rodar Skárnio, militando ao vivo por diversas causas as que consideravam tambem suas. Case sem levar um ano como banda entram no estudo para grabar umha cançom para um CD recompilatório titulado “Oito anos de sequestros” editado por Gralha. No ano 1999 Skárnio entram no estudo para grabar o que seria o seu primeiro disco titulado “A filosofìa de acçom da guerrilha urbana”, disco com muito boa apressentaçom gráfica e no que musicalmente amossam-nos umha mestura de ska e raggamuffin com pinceladas de hip hop na voz. Colaboram no disco gente de Skacha, Disturbio 77, Nen@s da revolta. “A filosofìa de acçom da guerrilla urbana” lança a Skárnio a tocar em toda Galiza, fazendo gira de apressentaçom, chegando a Portugal e visitando esporádicas vezes o estado espanhol.
Depois deste disco a banda segue tocando ao vivo durante case três anos namentres fam algúns trocos na formaçom à vez que participan em diversos cd´s recompilatórios como podem ser: “guerrilha urbana”, “elkartasun eguna”, “Revolta sonora”,…
Passada esta etapa primária, Skárnio acada um acordo com o selo catalam chamado “Propaganda pel fet” e edita um segundo disco titulado “Arredista”. Neste álbum a banda perfecciona tanto o dessenho como a mùsica conseguindo um bom nivel, adquirido ao longo dos anos e de tanta experiência. A banda toma o arredismo como bandeira política e explicam-nos, nas suas letras e textos, o independentismo de pre-guerra, o desastre do Prestige, a difícil situaçom dos inmigrantes.
Musicalmente a banda centra-se no ska e as suas variantes mesturando ska clásico e ska acelerado com muito bom resultado. Participa no disco gente como Alex “Inadaptats”, Iñaki “Betagarri” ou a gente do grupo folk “Quempallou”, aportando o seu bom fazer a este cd. Todos os temas som em galego e incluem tambem uma verssom em clave folk de Suso Vaamonde. Com “Arredista” lançam-se de gira em Galiza, Portugal (chegando a tocar no festival “Avante” em Lisboa) e os Paisos Catalans obtendo boas críticas e sendo convidados a participar em diversos festivais e festas onde amossam a gram força dos seus directos sendo hoje em día Skárnio umha das bandas a ter muito na conta do panorama do estado espanhol. Tambem som convidados a tocar no 5ème FESTIVAL ANTIRACISTE & ANTIFASCISTE! em Genève (Switzerland) com grupos da talhagem de The Busters, Sham 69…
Telf.: Manuel +34 661 570 281 Afonso +34 661 016 723 e-mail:
Este endereço de email está protegido contra spam bots, pelo que o Javascript terá de estar activado para poder visualizar o endereço de email
A web de Skarnio é: www.skarnio.info www.myspace.com/skarniogz
Xoves 18 de Marzo
Casa das Crechas, Compostela
22:30hs.
