| Views |
1319  |
|
O terceiro trabalho de Skárnio chámase “O nosso caminho”
O disco está autoproducido baixo o nome de “Arredista produçons” e vem de editar-se com licença copyleft.
Depois de editar dous trabalhos, "A filosofia da acçom da guerrilha urbana" e "Arredista", agora sai a lume "O nosso caminho", disco no que mostram e melhoram toda a sua bagagem musical.
Catorze temas componhem este novo trabalho de Skárnio, nos que a base musical do grupo continúa a ser o ska, pero que em cada cançom se mestura com estilos musicais mui distintos.
Skárnio mostra ao longo das distintas peças o seu compromisso com a independência da Galiza, pola liberdade dos e das presas independentistas galegas, a defesa da Terra, a luita dos trabalhadores e trabalhadoras, a língua, ou o internacionalismo, com a sua “música de combate”. Manifestam que este trabalho “é mais umha ferramenta a utilizar, ferramenta de autodefesa para o sector social que nom se resigna ante a morte doce do nosso povo cozinhada polos poderes fácticos do imperialismo”.
Os membros desta banda explicam que “o CD leva umha mensagem combativa como sempre foi o grupo, reivindicativo, porque nós consideramos que a luita é o único caminho, e por isso escolhemos este título, é o nosso caminho, queremos simbolizar todo esse percurso que nos precedeu e polo que nós optamos”.
Autoediçom e copyleft
Para além disto, os Skárnio apresentam-nos umha novidade: a autoediçom baixo licença Creative Commons, com que a banda pretende dar mais um passo no caminho de coerência e compromisso na cena musical galega. Assim sinalam que “queriamos demonstrar que é possível a autoediçom e ponher a circular as nossas mensagens e o nosso trabalho com umha licença livre que permita a sua máxima difussom”. A licença copylfet baixo a que se edita este trabalho permite a cópia, distribuiçom, e fazer obras derivadas, mentres se reconheza a autoria, se utilice dum jeito nom comercial e seja compartilhada baixo a mesma licença.
Na Galiza está-se a distribuir o disco nos distintos centros e locais sociais, com mui boa acolhida, e noutros países as distribuidoras alternativas e outros contactos da banda som os que estam a dar a conhecer “O nosso caminho”.
Colaboraçons de alta qualidade
Gravado e misturado nos estudos Area Master (Vigo) e Océano (Nigrán) por Xavier Abreu de Março a Maio de 2007, e produzido por Pedro Feijoo de Muu Estudos (Vigo). Neste projecto colaborarom nas vozes Mini A Quenlla, Seném Xenreira, Juantxo, cantante do grupo Skalariak, Almudena, cantante de Transilvanians, e as mulheres caboverdianas da Marinha Batuko Tabanka, entre outras. Mais Info:
http://www.skarnio.info/
http://www.myspace.com/skarniogz
Users' Comments (4)  |
|
|
Venres 12 de Setembro
Pub Gatos, Melide
23:00hs.
