Views 8547

The Homens son Martin Wu (guitarra, voz); Roi (baixo, coros); e Xocas (batería). Sumados forman unha banda de power pop de Santiago D.C. Composta por integrantes de grupos coma Fame Neghra, Stay Pretty ou Street Fighter, naceron a finais do 2004. Desde entón levan percorrido boa parte do circuíto de salas de Galicia. No verán do 2005 editaron o seu primeiro EP; “#2” é a súa segunda referencia.

Cociñadas nunha cuba atómica, plastificadas unha detrás da outra na cadea de montaxe, furadas individualmente por unha taladradora mecánica, machucadas sen piedade pola serigrafiadora, transportadas por unha comitiva de camións ruxidores, as novas cancións de The Homens saen directamente das tripas e que aspiran a colarse nas túas, alterándoche o estómago cunha base rítmica tan nerviosa coma sempre, axitándoche os fígados con máis guitarras afiadas, facéndoche cóxegas no esófago con máis xogos de voces e máis teclados. Coma sempre, poderás descargalos gratis na web www.thehomens.com

Users' Comments (0)

Engade o teu komentario